O ADN, presente en células humanas en núcleo e mitocondrias, é a molécula que contén a información xenética e que permite a transmisión desta información ó longo do tempo. Nesta unidade didáctica introduciranse aspectos básicos da estrutura e organización do ADN na célula eucariota humana, e os patróns de transmisión de información xenética e como estes afectan á manifestación fenotípica. Esta unidade didáctica trata de axudar a comprender a terminoloxía médica dos caracteres con base xenética, a súa relación co ADN contido en cada unha das nosas células e a forma en que se transmiten nas sucesivas xeracións.
