Berdin dio politikari, goi-mailako zientzialari edo beste edozein izatea gure ogibidea; ekimen komunikatiboak beti behar izango du xede duen hartzailea pertsuaditzea eta erakartzea. Liburuan zehar ikusiko dugun moduan, testuinguruak, xede-taldeak eta gure helburuek baldintzatuko dute hori lortzeko bide egokiena zein den. Zer paper izan behar dute hedabideek prozesu politikoetan? Zein dira egitura politikoak eta mediatikoak lotzeko oinarrizko moduak? Nola lor- tuko dugu gaur egungo testuinguruan gure diskurtso politikoarekin pertsuaditzea? Zein da familia-ereduen eta komunikazioaren artean dagoen harremana? Ziria sartzen al digute ekonomia eguraldia balitz bezala jorratzean? Zein dira hauteskundeak irabazteko eman beharreko pausoak? Besteak beste, gauza horiei buruz eta beste hainbati buruz hitz egingo dugu eskuetan duzuen liburuan.
