A temática desta unidade didáctica ten que ver coa introdución de certos compoñentes sociais que ilustran a noción de diversidade cultural, como é o caso do fenómeno migratorio, a etnia, o xénero, a orientación sexual, a mestizaxe racial ou a idade, a partir da análise de catro relatos da autora escocesa contemporánea Jackie Kay. A conexión cos conceptos de globalización, hibridación cultural, a libre circulación de persoas ou a perspectiva de xénero é realmente significativa nesta unidade, posto que son temas tratados no desenvolvemento das diferentes sesións.
Este arquivo inclúe a unidade didáctica de autoría de Elena Guerreira Labrador, titulada Panorama sociolingüístico na aprendizaxe do inglés, pertencente á programación da materia aprendizaxe de linguas en contextos multilingües, do grao en Mestre/a de Educación Infantil.
