As broncopneumonías parasitarias, tamén chamadas bronquites verminosas ou estronxiloses respiratorias, están producidas por nematodos das familias Dictyocaulidae e Protostrongylidae, Crenosomatidae e Angiostrongylidae. Estes parasitos parasitan tanto a animais carnívoros coma herbívoros, pero é nos ruminantes onde son máis frecuentes e causan maiores perdas económicas. En carnívoros considéranse parasitoses emerxentes que están a incrementar de forma rápida a súa distribución en zonas non endémicas.
