Belaustegi Bedialauneta, Unai; Villa Rodríguez, María José; Erkoreka González, Mikel; Garro Albaina, Jon; García Rabadán, Jonatan; Arregi Orue, Joseba Iñaki; Sáenz del Castillo Velasco, Aritza; Zuriarrain Asurmendi, Irati; Quintana Piñeiro, Jon; Goenaga Arregui, Iraitz
Liburu honek helburu jakin bat dauka: Master Amaierako Lanak (aurrerantzean MAL) egiteko erreferentzia bat eskaintzea. Zinez, DBHko eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Masterra amaitzeko egiten diren lanak erabili dira erreferentzia gisa, eta zehazki, Giza eta Gizarte Zientzietako espezialitatean kalifikazio bikainarekin defendatu diren MALak. Baina, praktikan, edozein MAL egiteko baliagarriak izan daitezkeen adibideak eskaintzen dira.
Izan ere, MALaren eraikuntzaren atzean dagoen teknika ez da askorik aldatzen espezialitate batetik bestera. Espezialitate guztietan jarraituko beharreko bidea berbera da. Horren adibide nagusia da masterreko zuzendaritza batzordeak proposatzen duen MALa egiteko eta defendatzeko gida. Gida hori irakasleen prestakuntzarako masterra egingo duten ikasle zein irakasle guztiek irakurri beharrekoa da. Bertan, argibide nagusiak zehazten dira, eta MALa egiteko eredu garbi bat eskaintzen da. Ikasleek aurkeztuko dituzten MALek eredu horri jarraitu beharko diote, haien espezialitatea edozein delarik ere.
