Proxectos de Innovación Educativa 2021.

Abstract

A docencia é unha misión fundamental da Universidade e como tal precisa do máximo apoio institucional na procura da súa excelencia. Para isto é precisa a valoración xeral da propia actividade docente, o recoñecemento dos esforzos de renovación e mellora por parte do profesorado neste ámbito e o fornecemento da innovación docente. Por isto, a Facultade de Ciencias da Educación e do Deporte realizou a Convocatoria de Proxectos de Innovación Educativa 2021. O obxectivo desta convocatoria foi apoiar proxectos encamiñados ao deseño e implantación de accións de innovación educativa na docencia da Facultade de Ciencias da Educación e do Deporte de Pontevedra. Pretendeuse fomentar a aplicación práctica das innovacións desenvolvidas e a súa transferencia. Concedéronse seis proxectos de innovación nos que houbo 72 participantes, xuntando persoal docente e investigador, investigador e colaborador externo. A presente publicación reúne os resultados dos traballos de innovación.