Comunicación social e opinión pública nas ditaduras. Narrativas, idearios e representacións.

Abstract

Esta obra contén unha escolma das ponencias presentadas no XII Congreso Internacional da "Research Network for the Study of Fascisms, Authoritarianisms, Totalitarianisms and Transitions to Democracy" (REFAT, con sede electrónica na Universidade de Bolonia - https://site.unibo.it/refat/en -, e integrada por varias decenas de investigadores de Italia, Portugal, Brasil e España) celebrado na Facultade de Ciencias Sociais e da Comunicación da Universidade de Vigo (campus de Pontevedra) entre o 16 e o 18 de outubro de 2019. O evento reuniu a un conxunto de historiadores de varias especialidades para abordar o fenómeno da comunicación social atendendo ás interaccións da opinión pública cos diferentes actores políticos en contextos autoritarios ou de transicións dende rexímenes ditatoriais a modelos democráticos. Un tema de enorme interese para comprender, con perspectiva histórica, o xurdimento e a proxección mediática de líderes políticos, movementos ou gobernos autoritarios que están a transformar actualmente as sociedades contemporáneas e a estrutura das relacións internacionais.