Irakaskuntza partekatua: estrategiak eta esperientziak ikasgeletatik ikasgeletarako

Abstract

Madrilgo Unibertsitate Autonomoak (UAM) koordinatutako talde batek hartu du parte Irakaskuntza partekatua: estrategiak eta esperientziak ikasgeletatik ikasgeletarako izeneko gida hau prestatzen. Unibertsitate horretako eta Bartzelonako Unibertsitate Autonomoko, Malagako Unibertsitateko, Euskal Herriko Unibertsitateko eta Asturiaseko Printzerriko zenbait irakaslek osatzen dute taldea. Madrilgo Unibertsitate Autonomoaren Fundazioaren Ezagutzaren Transferentzia Sustatzeko Programaren III. edizioaren barruan dagoen Koirakaskuntza-ereduak inklusiorako eta irakaskuntza-garapenerako estrategia gisa proiektuaren emaitza da, eta bere eskuzabaltasunarengatik eta laguntzarengatik gure esker ona merezi duen Deloitte Advisory-k kofinantzatu du. Gainera, Inklusioaren aldeko irakaskuntza: kulturak, politikak eta hezkuntza-eraldaketarako jardunbideak izeneko I G B proiektuaren (MCIN/AEI PID2022-137000OB-I00) jarduera estrategikoen barruan dago. Marta Sandoval UAMeko irakaslea da proiektuaren koordinatzailea.

Gida honen egileok zinez eskertu nahi dugu euren esperientziak, jakinduria eta gogoetak gurekin partekatu dituzten ia ehun irakasle eta zuzendaritza- taldetako kideren lankidetza desinteresatua eta baldintzarik gabeko laguntza. Konpromiso horrek bokazioa eta ezagutza hezkuntza eredu sozialago eta inklusiboagoetarantz aldatzeko lokomotorrak direla erakusten du. Haien ekarpenik gabe, irakurleek oso bestelako testua izango lukete esku artean. Esker oneko zorra hartu dugu, hitzez hitzezko esanahian, ateak ireki dizkiguten eta hain eskuzabal hartu gaituzten ikastetxeekin. Ikastetxe horietako batzuek, gainera, euren jardunbideak ikus-entzunezkoetan grabatu ahal izatea erraztu digute, eta, horri esker, ikasgelako egoera errealak grafikoki dokumentatu ahal izan ditugu, gida honetako bideoak sortuz.