A unidade didáctica Autómatas de estados finitos enmárcase na materia teoría de autómatas e linguaxes formais que se imparte no primeiro cuadrimestre do terceiro curso do grao en Enxeñaría Informática da Universidade de Santiago de Compostela. Esta materia ten carácter obrigatorio e conta cunha carga lectiva de 6 créditos ECTS. Ademais da exposición dos contidos teóricos, nesta UD tamén se contemplan dúas sesións prácticas de 2 horas. A primeira está centrada na resolución de problemas de forma autónoma por parte do alumnado. Na segunda, abordaranse as aplicacións prácticas dos contidos expostos.
